মুখ্য পৃষ্ঠা
06/04/2513:50
তোমাৰ উপস্থিতিত মই প্ৰায় বোবা হৈ পৰো ! নাজানো , মোৰ ভুল ক'ত হৈছিল ! মই মাথো জানো , মৰমে মৰম আৰু হৃদয়ে হৃদয় বিচাৰে ! তোমাৰ দৰে মই হ'ব নোৱাৰো ! কাৰণ , মই অৰ্থহীনতাৰ পংকিল জীৱনৰ ডায়েৰীত নিতৌ লিখো অনুভৱৰ অ-কবিতা ! সেয়েই মোৰ ভুল হ'ল নেকি ? দৰিদ্ৰ যদিও মই পংগু নহয় ! মই সেই সকলতকৈ বহুত সুখি , যিসকলে ৰেল ষ্টেচনৰ প্লেটফৰ্মৰ এচুকত জীয়াতু ভুগি আছে ! তেওঁলোকে নাজানে জীৱনৰ অৰ্থ কি ? নাজানে আধুনিকতা থাকে ক'ত ? অথচ মই ? মইতো নহয় পথৰ ভিক্ষাৰী ! দেহত আছে মোৰ মানৱতাৰ তেজ ! মই সুখি সেয়ে ! মাথো তোমাৰ ওচৰত কৰিলো অপৰাধ সৰ্বহাৰা দুৰ্ভগীয়া হৈ প্ৰেম নিবেদন কৰি !
ভুল মোৰ ক'ত হৈছিল ? মৰম দিয়াৰ বাবে নে মৰম বিচৰাৰ বাবে ? স্বাৰ্থপৰ পৃথিৱীত মৰমৰ মুল্য টকাৰে দিব পৰাকৈ মই বিলাসিতাৰ ৰাজকুমাৰ নহয় ! সেয়া মোৰ জীৱনৰ দুখ ! তথাপি , ভুলৰ মন্দিৰত দুখৰ পূজাত যাচো চকুলোৰ অৰ্চনা !
তুমি মৰমৰ সংজ্ঞা জানা ? মইও নাজানো ! তথাপি বুজিবলৈ চেষ্টা কৰো !
"হৃদয়ৰ অন্তঃকোনৰ পৰা ,অজানিতেই নিগৰি অহা অবুজ ভাষা বোৰেই হয়তো প্ৰেম অথবা মৰম !(মই ভাবো !) আৰু তুমি ? তুমি হয়তো ভাবা ,টকা-পইচাৰে সুখি কৰিব পৰাটোয়েই প্ৰেম ! সেয়েই মোৰ ভুল হৈছিল নেকি ? ক'ত মোৰ ভুল হ'ল ??
